तोंपासु - तोंडाला पाणी सुटले की नाही ?

मायबोली गणेशोत्सवाची तोंपासु स्पर्धा...... मग बाप्पाला नैवेद्य हवा ना ? :)
मोदक, पिस्ता बर्फी, चॉकलेट बर्फी, मोतीचूराचे लाडू देखील केले..
बाप्पा म्हणे कंटाळलो काहीतरी वेगळे दे मी अमेरिकन आहे..

म्हणून मग कपकेक, डोनट्स आणि स्विस् रोल नैवेद्याला केले :)

तरीही स्वारी नाखुशच..म्हणे खूप खूप गोड झाले !

मग दिले मस्त तिखट तिखट मिर्च्यांसोबत दोन जंबो वडापाव.. बाप्पा म्हणाला, "वॉव ! सो य्म्म्म्म्म्मी.. बाकी सब भूल जाव !"

आमच्या डाएट फ्रेक बप्पा साठी किती छोटुकले पदार्थ आहेत पहा.
मोदक, पिस्ता बर्फी आणि चॉकलेट बर्फी :)


डोनट्स, कपकेक आणि स्विस् रोल :)

जंबो वडापाव :)


बाप्पाच्या नैवेद्या साठी वापरलेले साहित्य :
लहान मुलांची खेळण्याची माती (प्ले डो) मातीला आकार देण्यासाठी सुरी आणि एक सुई
कृती :
सगळे पदार्थ हाताने बनवले आहेत.
माती चांगली मळून मउ करुन हवे ते आकार बनवले.
गरज पडल्यास सुरी ने कापले. मोदकांना आणि केक ला सुई ने आकार दिलाय. कश्याचाच मोल्ड नाहीये.
पाव, मिर्च्या, वडा आणि वडापावची हिरवी चटणी बनवण्यासाठी आणि योग्य ते टेक्श्चर येण्यासाठी दोन रंगाची माती एकत्र केली आहे.

माती आणि गणपती

गणपती बाप्पा माझा अतिशय आवडता. गणपतीची चित्रं काढायला, गणपती बनवायलाही खूप आवडतात. सिरॅमिक पावडर किंवा चॉक पावडर वापरून ह्या आधी मी बरेचदा गणपती बनवले. पण ते कश्यावर ना कश्यावर चिकटवावे लागायचे. मग त्याला पर्याय म्हणून एम सिल वापरून पाहिले. पण टेराकोटा किंवा मातिच्या वस्तू किंवा मूर्ती बनवून त्या भाजून बघायच्या हि उत्सुकता खूप वर्षांपासून होती. पण योग येत नव्ह्ता. माती कुठून मिळवायची ? कसं काय करायचं ? किती दिवस लागतात मातिच्या मूर्ती सुकायला? भाजायच्या कश्या ? कुठे ? एक ना अनेक प्रश्न होते मनात. शेवटी एक्दाचा योग आला. आणि मला माती मिळाली.

मातिच्या बर्‍याच वस्तू बनवता येतात. बाप्पा आवडिचे म्हणून मग सुरवात त्यानेच केली. काही छोटे छोटे गणपती आणि काही वेग वेगळ्या वस्तू बनवल्या. दोन तिन इंच उंचिच्या ह्या गणपतींना पक्कं सुकायला चार दिवस लागतात. बर्‍याच लहान सहान वस्तू बनवल्या सुकवल्या आणि कित्येक महिने जिवापाड सांभाळल्या. पण आता त्या भाजायच्या कश्या आणि कुठे? त्यात काही महिने गेले. त्यावर एकदा आमचे अहो म्हणाले मी भाजून देतो उद्या होळी पेटवणार आहेत तशीच आपण गवताची भट्टी करू.

पण मग शेवटी गंगेत घोडं न्हालं. एका ड्रॉईंग शिकवणार्‍या सरांच्या ओळखीत छोटीशी भट्टी होती. त्यांनी मला माझ्या ह्या वस्तू भाजून आणून दिल्या.

अतिशचय आनंदाने हावरटासारख्या एका दिवसात रंगवून टाकल्या. बरेच दिवस कसलेच काही पेंटींग न केल्यामुळे खुपसे रंग सुकले होते. मग जे होते त्यातच काम भागवून टाकले. :) अजून चांगले करता आले असते. किंवा नसते केले तरी छानच दिसत होते.

आराम गणेश


रंगवण्याआधिचे


नंतरचे


गणेश वाद्यवृंद


रंगवून





पिंपळपान




हत्ती उंट घोडा :)


घोडोबा :)


मास्क


आणि थोडे गणपती

आशीर्वाद देणारा


आणखी दोन


अजून दोन








Same post in English is here : 'Clay'kaari My Terracotta work

वेचीत वाळूत शंख शिंपले......

कसं असतं ना आपण मोठ्ठे होताना आपलं बालपण हरवतं ... आणि मग थोड्याच काळात आपल्या मुलांच्या रुपात गवसतं ..आपल्यासमोर पुन्हा उभं रहातं ...आता लेकाला बघून असं वाटतं, आपणही आपल्या लहानपणी असा समुद्र ..पाणि .. शंख ..शिंपले ..किनारयावरची वाळू बघून असंच हरकून जायचो.तासंतास खेळायचो. न थकता, न दमता.

मुरुडेश्वरच्या विस्तीर्ण समुद्रकिनार्यावर श्रेयान सुद्धा तसाच मस्त एंजॉय करत होता.पण छोट्या पिल्लाला घेउन पाण्यात मस्ती करणं मला शक्य नव्हतं.मग शंख शिंपले शोध, स्टारफिश बघ, वेगळ्या अनोख्या वाटणार्या गोष्टीँचे फोटो काढ , असं करून जेव्हा कंटाळा आला तेव्हा मग टाईमपास म्हणून समोर दिसणार्या शंकराचं चित्र काढुया म्हणत हा एका वाळूतल्या चित्राचा प्रयत्न केलाय. bara जमलंय असं वाटलं म्हणून तुम्हा सगल्या मित्र maitriNIAn sobat शेअर करतेy

सुपा एवढे कान ... सुपात दिसतात छान...

परवा असंच काहीबाही खरेदीला गेलो होतो मार्केटला तेव्हा ही छोटीशी सुपं दिसली आगदीच ओंजळी एव्हढी छोटीशी.  घेऊन आले पटकन.  गणपती बाप्पा तर माझा खूपच आवडता. मग काय सिरामिक क्ले ने लहान लहान बाप्पा बनवले आणि त्यांना बसवलं छोटुकल्या सुपात. आणि छानश्या रंगांनी रंगवलं.

सुपाएवढे कान सुपात दिसताहेत ना छान ?

हे सगळे गणपती  अगदी छोटे २-३ इंचाचे आहेत.

हा आपाल्या सगळ्यांचा आवडता बालगणेश.. पार्वती मातेच्या स्नान गृहाबाहेर पहारा देणारा चिमुकला द्वारपाल.

हा बघा थोडासा जवळून. 

'कधी मोदकाचं ताट येतंय माझ्याकडे आणि कधी मी ते फस्त करतोय' असंच म्हणत असेल ना हा ?
मला तर असंच वाटतंय!

आणि हा अजून एका सदैव आपल्यावर वरदहस्त ठेवणारा

लेकाच्या हट्टाखातर त्याला बनवून दिलेला हा बाल हनुमान

गणपती म्युरल

गणपती बाप्पा मोरया !


एम सील वापरून मी स्वत: बनवलेले हे गणपती म्युरल आज मी इथे शेअर करतेय.

हे म्युरल बनवण्यासाठी साधारण दिड फुट आकाराच्या हार्ड्बोर्ड्वर जास्वंदाच्या फुलाची आउट्लाईन काढून तो त्या आकारात कापुन घेतला. मग एमसील घट्ट मळून  त्याचे हात पाय पोट सोंड वगैरे एकेक आकार बनवून त्यांची हार्ड्बोर्डवर मध्यभागी निट मांडणी केली. बाप्पाचा सर्वांग सुंदर प्रमाणबद्ध आकार बनवून घेतला. नंतर सगळे नाजूक काम केले. एम सील च्या बारीक वातीसारख्या दोर्या वळून बाप्पाचे दागिने माळा, हातातली कडी, मुकुट वगैरे बनवले. जिथे गरज वाटेल तिथे सुई किंवा चाकू वापरून नक्षी तयार केली. आणि हलक्या हाताने चिकटवून दिले. एम सील स्वत:च एक सिलण्ट  आहे त्यामुळे ते चिकटवण्यासाठी फ़ेव्हीकोल किंवा दुसरे काही वापरण्याची गरज नसते. बापाचे सगळे काम पूर्ण झाल्यावर खालच्या बाजूला एका रिकाम्या पाकळीवर उंदिरमामा आणि मोदकपात्र ठेवले. सगळे एम सील चे मातीकाम सुकायला एक पूर्ण दिवस लागतो.

 

हा गणपतीबाप्पा दुसऱ्या दिवशी कडकडीत वाळल्यावर  आवडत्या रंगांनी रंगवला. रंगावर ग्लॉसी फ़िनिशींग येण्यासाठी रेझिन चा एक कोट दिला.

 

की स्टँन्ड्स

फार वर्षांपुर्वी मी सिरॅमिकच्या काही वस्तु बनवल्या होत्या.
टाईमपास म्हणून सध्या पुन्हा नव्याने काहीतरी करुया म्हणत माती वळून ह्या सुन्दर वस्तु तयार झाल्या.. आणि आता मला पुन्हा ह्या छंदाने वेड लावले....
सिरॅमिक पावडर आणि गम वापरून हार्ड बोर्ड च्या कट आउट्स वर हे काम केले आहे. त्यालाच छोटेसे हुक्स लावले आणि बनवले हे सुंदर की -स्टँन्ड्स किल्ल्या अडकवण्या साठी.

हे बाप्पा आराम करत आहेत

बापरे केव्ह्ढी ती फळं

मुखवटे आणि चेहरे