ये कौन चित्रकार है ?

परवा  लेकाचं कपाट आवरताना एका ड्रोवर मध्ये खूपश्या कागदांचा पसारा मिळाला. रद्दी आवरून टाकुया म्हणत सहजच पेपर चाळत गेले. आणि काय आश्चर्य इतका मोट्ठा खजिनाच हाती लागला. माझ्या साडेतीन वर्षांच्या लेकाची ही चित्रं इथे तुमच्यासोबत शेअर करतेय. ही सगळी चित्रे म्हणजे त्याचा कल्पना विलास आहे. कुठल्याही पुस्तकात वगैरे पाहून काढली नाहियेत. किंवा कुणी शिकवली पण नाहीये.  गोष्टी ऐकून त्याने मनाने काढली आहेत. तिही काही क्षणांत.

कैलास पर्वतावर काढलेले गणेशाचे फॅमीली  पिक्चर आहे म्हणे.

निट बारकाईने बघितल्यावर कळतंय…. डाव्या बाजूला त्रिशूळ उभा केलाय. मागे कैलासावरच्या हिमनगांच्या रांगा :)  मध्यभागी  बालगणेश आपल्या आईबाबांच्या मध्ये बसलाय. आणि कार्तिकेय खेळतोय बाजूला. बाप्पांनी उंदिर समोर पार्क केलाय आणि नंदी आणि कार्तिकेयाचं वाहन मोर उजवीकडे आहेत. सगळे पार्किंग लॉटमध्ये…

हे काय तर म्हणे गणपती बाप्पा आणि शंकरबाप्पा कैलासावर आहेत तिथल्या थंडीच्या वार्याने शंकरांचे केस असे उडताहेत : D

हा बजरंगबली 

हा म्हणे इझी  गणेशा  

विष्णू आणि शेषनाग 

गणपती बाप्पा माखनचोर झालाय ;)

गणपती सरस्वती सोबत.

बाप्पा पडले..मोदक सांडले चंद्र हसला..

हीच ती कथा गणपती उंदरावरून पडला चांदोबा हसला आणि चांदोबाला शाप मिळाला. मला कल्पनाशक्तीची कमाल वाटली इथे लेकाची. तुम्ही तो उंदराच्या बाजूला असलेला नाग पाहिलात का ?

हा गोपालकृष्ण मागे हाड्कुळा पेंद्या खेळतोय. :)

हे शिवाजी महाराज त्यांच्या घोडया सोबत आणि मागे मावळा