ऑरेंज कलर माझ्या लेकाचा अत्यंत आवडता. मी नव्या आणलेल्या यार्न मध्ये तो रंग बघून लेकाची घाई सुरू झाली. आई माझ्या टिचर चा उद्या बड्डे आहे. आपण काहीतरी गिफ़्ट देउया. ऑरेंज कलरचे. अनायसे हया स्कार्फ चे डिजाईन आणि फ़ोटो टाकले होते जयूताई ने. ते फारच आवडले होते. पण मला स्वता:ला स्कार्फस ची फारशी आवड नसल्याने राहिले होते. आता लेकाचे निमित्य होते म्हणून मग काय फ़टाफ़ट दोन तीन तासात बनवला हा सुंदर फ़ुलांचा ऑरेंज स्कार्फ़.
ह्या स्कार्फ चा मुळ पॅटर्न इथे आहे.
फारच सोप्पा प्रकार आहे आणि तुम्ही जर भरभर क्रोशे विणत असाल तर मग काय अगदी तासाभरात काम होऊन जातं. हा रंगच इतका ब्राईट की तो कुठल्याही कोम्बिनेशन वर छानच दिसतो. मी अजून जरा गुलाबी बरोबर काळ्या पार्श्वभूमीवर थोडी फ़ोटूगिरी करून घेतली.
आणि मग सुंदरसं पॅकिंग करून लेकासोबत गिफ़्ट पाठवुन दिलं. लेक आणि त्याची टिचर दोघेही खुश. इथली थंडी आणि स्नो… जसे मोका आणि माहोल एकदम साजेसे … ह्या गिफ़्ट ला एकदम फीट्ट होते. लगेच उलट टपाली लेकाद्वारे टिचर बाईंनी पाठवलेलं एक कौतुकभरलं छानसं थांक्स चं कार्ड आलं माझ्या साठी ! :)
No comments:
Post a Comment